O primeiro ferrocarril de Galicia, Cornes-Carril foi de gran transcendencia para o progreso e o desenvolvemento económico, a obra foi impulsada polo Concello Constitucional de Carril e pola Sociedade de Amigos do País. A sociedade ferroviaria, denominouse Sociedade do Ferrocarril Compostelano da Infanta Isabel e estaba presidida por Eugenio Montero Ríos. Despois de 11 anos de traballos a liña férrea foi inaugurada o 15 de setembro de 1873. O 11 de Abril de 1886 a primitiva compañía Sociedade do Ferrocarril Compostelano da Infanta Isabel converteuse na The West Galicia Railway Company cuxo xerente era John Trulock.
Entre as estacións termo de Carril e a de Cornes contaba con outras seis estacións intermedias, un total de oito paradas no total da viaxe: Carril, Catoira, Pontecesures, Padrón, A Escravitude, Osebe, O Casal e Cornes.
Nos anuncios da época indicaban as distancias exactas entre as estacións, as horas de saída e chegada a cada unha delas e o tempo de parada. O servizo regular comezaría ao día seguinte ao da inauguración con tres frecuencias diarias nas dúas direccións e cos seguintes horarios: Cornes - Carril: 8 h - 14:30 h - 22:30 h Carril - Cornes: 5:30 h - 11:30 h - 16:25 h Os prezos da viaxe, entre estas estacións, oscilaban segundo o tipo de vagón: 1ª clase: 20,16 reais 2ª clase: 15,12 reais 3ª clase: 9,07 reais
A estación de Pontecesures antes Cesures
Tras a presentación e o debate no Congreso dos Deputados, o 4 de febreiro de 1861 aprobábase por unanimidade a concesión dunha liña férrea entre Santiago e Pontecesures, e o 7 de abril de 1861 outorgábase por Decreto Lei a concesión ao señores Domingo Fontán, Inocencio Vilardebó e Joaquín Caballero. a que tiveron moitos problemas economicos nos comezos, sobre todo recelos por parte incluso dos propios socios, fixeronse estudos minuciosos da viavilidade do tren, como exemplo:
O 10 de febreiro de 1863 os responsables do futuro ferrocarril Carril-Cornes chegaban a un acordo co enxeñeiro inglés John Stephenson Mould para que este encargásese da construción da liña férrea. O proxecto da liña foi desenvolto polo enxeñeiro inglés Thomas Rumball, cuxo traballo se iniciaba coa introdución dalgunhas modificacións (por exemplo, a prolongación da liña desde o seu termo previsto en Pontecesures ata a definitiva estación termo en Carril) no trazado orixinariamente proposto sobre a Carta Xeométrica de Galicia realizada polo matemático e xeógrafo Domingo Fontán, un dos concesionarios da liña. As obras estiveron a cargo do citado Mould, o seu socio italiano Camilo Bertorini e o tamén británico Stone, ademais da sociedade española Aldalud, Rodríguez e Compañía. Finalmente, o 15 de agosto de 1873, seis meses despois de proclamada a primeira república (11 de febreiro de 1873), a primeira locomotora chegaba á estación de Cornes, entón termo municipal de Conxo.
O 20 do mesmo mes facíanse as probas de carga e resistencia da ponte de *Ínsua, sobre o río Ulla, entre as estacións de Padrón e Pontecesures. O 30 de agosto tiña lugar unha sesión extraordinaria do Concello de Santiago de Compostela para a preparación dos actos oficiais a desenvolver con motivo da inauguración da liña de ferrocarril.
Despois de varios anos casi esquecida no 2019 e gracias á presión social sufriu un pequeno lavado de cara, ademaís de recoller moitas denuncias por falta de revisores.
Fontes: Cuatro palabras sobre la construcción del ferrocarril compostelano - A Buxa
Esta serie consta de 14 cachés e está deseñada para visitar distintos puntos do percorrido que facía o primeiro tren de Galicia, saía da estación de Cornes e chegaba á estación de Carril, esta liña férrea foi inaugurada o 15 de setembro de 1873.
Nesta serie colaboramos Tantotén, EAMteam, OGolpe e sasha01. Este é o resultado: