Compostela leva moitos anos ofrecendo cine e
curtametraxes, entre os máis destacados están os seguintes festivais:
37ª
Edición do Festival Cineuropa
Curtocircuíto – 20º Festival Internacional de Cine
21º Festival Internacional de Cine Euro-Árabe AMAL
MICE 18ª Mostra Internacional de Cinema Etnográfico
No ano 2023, celebraremos por primeira vez en Santiago un
evento especial, con motivo do 10º Festival Internacional de Curtametraxes de
Geocaching.
Lugar. CSC Aurelio Aguirre de Conxo (Concello de Santiago)
Data. Sábado, 18 de novembro de 2023
Hora. Ás 12:15
Grazas á colaboración do CSC Aurelio Aguirre de Conxo, dispoñemos dun espazo sinxelo
pero axeitado para desfrutar dunha hora vendo as curtas finalistas deste ano.
As finalistas destacaron pola súa creatividade, calidade de produción, contido
e contribución á comunidade global de geocachers. Aquí tes a lista de
curtametraxes finalistas e os seus directores:
Vota - Premio GIFF 2023 Escollida polo Público
A continuación,
podes ver unha selección das mellores curtas de edicións anteriores:.
Best of:
GIFF Selección de 2013, 2014, 2015, 2016, 2017, 2018 e 2019
IFF 2021
Reel
Compostela celebra o mellor do cine e a cultura audiovisual
O Festival Cineuropa, na súa 37ª edición, é unha
cita cinéfila peculiar que vén celebrándose en Compostela desde 1988. Ao longo
do mes de novembro, ofrécese unha selección das mellores películas da tempada,
que van dende as premiadas en Cannes, Berlín, Venecia ou San Sebastián, ata o
cine alternativo de menor recoñecemento. O festival reúne figuras destacadas,
novos directores, películas documentais e proxeccións de copias especialmente
restauradas para este evento non competitivo. Este festival caracterizase polo
seu enfoque no desfrute do espectador e a súa independencia de intereses
económicos.
Doutra banda, o Curtocircuíto, na súa 20ª edición,
foi fundado en 2003 polo Concello de Santiago de Compostela co obxectivo de
promover a creación cinematográfica e audiovisual. Vinte edicións despois, o
Curtocircuíto consolidouse como un festival destacado a nivel estatal,
colaborando estreitamente con outros festivais da contorna e de Europa.
O Festival Internacional de Cine Euro-Árabe AMAL,
na súa 21ª edición, celébrase en Compostela dende 2003. O seu obxectivo
principal é dar a coñecer a situación actual do audiovisual árabe e servir como
punto de partida para descubrir este rico mundo que, aínda hoxe, segue sendo
descoñecido en España. As súas proxeccións xeran un amplo abano de cuestións de
interese sobre o mundo árabe.
Por último, a MICE (Mostra Internacional de Cinema
Etnográfico), na súa 18ª edición, dedícase a dar a coñecer traballos
audiovisuais recentes no ámbito da etnografía e da antropoloxía visual.