Obacht,
do bin i, vo weitast herkemma und bereit für ois.
Der Xaver halt.
Denn so oin wie mi gibt´s ned oft under de Weihnachts-Wichtln.
Oiso wir hand do scho übereu voi breit aufgstellt,
die Monna do obn ausn Nordn sand olle gstandne Buam
und mochan ernan Job ganz guat.
Jo mei, die dan fei scho so schee und lassn si ned lump,
aber dennast kemmans oi moi an ihr end.
Obo do kannst koan oinzigan von dene braucha, na go ned,
do daugt koina von dene.
Kannst di scho denga warum, mir sand jo scho beim
24.Buachstobn des Euphabets okemma
und i hupf an dera Stoi foi gern und in Wichtelmanier ei !
Oiso pack ma´s, richt di zamm und kimm mich bsucha, denn o do hoasts:
Hau di hera, samma mehra.
Des taugt schoa, findst mi freili, gell? Joa, i denk des is a gmahde Wiesn.
Oba gib Obacht, der Wolpertinger...
Pfiad di nachad
dein Xaverl