Este terceiro caché da serie da Universidade da Coruña está agochado nas proximidades do Servicio de Asesoramento e Promoción do Estudante, no Campus da Zapateira.
O SAPE está ubicado na Casa do Francés, un edificio de estilo tardomoderno construído sobre as ruínas dun antigo edificio rural do século XVIII. Combina pedra, vidro, madeira e ferro e está dividido en dúas partes. Na antiga encontramos o salón de actos e atención ao estudante e na nova a administración. A fachada amosa o vello e o novo, diferenciándose claramente o antigo edificio de pedra ao que se lle une unha estrutura envolta en vidro, creando entre ambas unha planta en forma de "L".
Neste lugar, ademais de poder contemplar esta construción, poderedes admirar unhas marabillosas vistas da cidade desde un dos seus montes.
Esperamos que vos guste!