Landemerke,
men ingen brurestein på Vrådalsheia
Foto: Sonja Holmberg
- kona til avigerus
I Drangedalsposten 20.09.07 står det om Bruresteinen som
Ukas landemerke. Steinen ved Langmyr på Vrådalsheia er ingen
brurestein frå gamalt av, men eit eksempel på at segner kan vandre
i dag også. Bruresteinsegna er knytta til Lone-kromlene der
sommarvegen frå Bø til Øvre Tørdal alltid har gått i steinura
mellom elva og bratte lia på innsida. Der låg det ein stor stein i
lia ovafor vegen, og det knytte seg den spådomen til steinen at den
ville rase ut og drepe den finaste brura som reid forbi for å bli
gift i Tørdal kjørke. Overtrua var sterk og ei brur som trudde at
ho var overlag vakker, ordna det slik at brurefølgjet for fram i
ulendet på andre sida av elva, og brura blei helst til spott og
spe. Då vegen kom i 1880- åra, klara vegslusken å få steinen laus
så han sklei ned ned i elvekanten. Bestefar som var fødd i 1875
hugsa dette, og har fortalt segna mange gonger, og segna er
velkjent i Tørdal.
Om steinen ved Langmyr er det typisk at ingen har hørt om han som
brurestein før ca. 1950. Etter det blei han visst ofte nytta som
poeng i bryllaupstalar når paret var vigd i Tørdal kjørke og
feiring skjedde på hotell i Vrådal. Ca. 1970 kom det opp ei
tretavle som ingen veit kven sette opp, og den gjengav hovudtrekka
i segna frå Lone-kromlene. Grunneigaren Olav Ibrekk i Vrådal og
Knut Brosdal er rimelig sikker på at det først var etter 1950 at
det blei knytta ei slik segn til steinen ved Langmyr. Dessutan kom
det først veg over Langmyr då vegen Merkebekk –Steane blei
bygd 1874-1886. Før det gjekk den gamle ridevegen over åsane nærare
Kaldvatn. Steinen ser faretrugande ut der han ligg, og alt i
1950-åra hørte eg av Knut Langmyr at vegkarane hadde prøva med ei
sterk våg og dei rugga ikkje steinen.
Lerserinnlegg av Harald
Lone
Foto: Sonja Holmberg
- kona til avigerus
Cachen er en regular og inneholder ved oppstart:
- Loggbok og blyant
- Div. kulepenner
- Informasjon om geocaching
- FTF-gave
- Bytteting
enda en avigerus 2010-cache
