Opplevelse - hvorfor gå denne turen?
Dette er ein tur på grusveg der opplevinga først og fremst er eit flott utsyn når ein har gått halvveges og er oppe på toppen av Alskleiva, mot fjorden og Vartdalsfjella i søraust og Snipsøyrvatnet og Hareidsdalen i nord. Turen går i variert lauvskog, med stor planterikdom, særleg i den varme sørhellinga.
Frå toppen er der turstiar i terrenget til fine fjellområde både mot sør og nord.
Vegen er omlag hundre år gammal, og er forsynt med skilt som fortel om korleis vegen vart brukt i gamle dagar.
Turruta - hvor skal du gå/sykle/padle/gå på ski?
Turen går på grusveg og har ingen vanskelege parti. På toppen av Kleiva der terrenget flatar ut, finn ein lett utsiktspunkt, leirplass og stiar vidare ved skilting.
Kulturminner
Merke etter torvløe og stiar som brukarane av vegen laga seg for å korte strekninga Alme-Snipsøyrdalen.
Sluttsted / turmål
Turmålet er toppen av Alskleiva, men den kan nåast frå to kantar, Alme og Kvammen. Ein kan gå turen frå eine startpunktet og til det andre, og tilbake same vegen. Eller berre opp til toppen og nedatt på same sida.
Parkering start
På Kvammensida er der ein liten parkeringsplass der turen startar, elles parkering ved vegkant.
Der cachen ligg, kan du sjå ut mot snipsøyrvatnet, før du tek til på stien over kleiva.