Denne cachen var luke nr. 6 i adventskalenderen for Bergensområdet i 2013.
Søvikvågen er eit av Bergen og omland Friluftsråd sine friluftsområde. Friluftsområdet er på 6 mål, og staden er forsynt med både toalett og stupebrett. Søvikvågen ligg ved den idylliske Lysefjorden i Os, tett ved den vakraste skjærgarden ein finn på Vestlandet, og nært ved Lysøen. Hit kjem ein ved å følgja bilvegen til Drange, som går like i bakkant av friluftsområdet. Parkering kan skje ved "rundkøyringa" i vegkrysset sør for og ovanfor friluftsområdet.
Dei seinare åra har "Ta sjansen" vore ein fast sommaraktivitet i Søvikvågen laurdagen andre helga i juni. Arrangementet har samla mange både små og store.
Dei som kjem hit, vil sjå at staden kan vera flott også vintersdagen.
Parkering kan skje ved "rundkøyringa" i vegkrysset sør for friluftsområdet, dvs. litt nærmare Drange.
Innhald: Loggbok, blyant og nokre bytteting.