Dauer: ca. 90 Minuten
Parkplatz: neben Headerkoordinaten (Musikheim)
Vor kurzem hab' ich meine Opa Andi Anna-Oma besucht.
"Du PPeda, wås tat's ihr då jetzt imma bei dem Geokätsching, oda wia des då hoast. Wia geht denn des genau?"
"Schau Oma, irgendwer kennd a interessantes Platzerl, a fesche Runde zum Waundan oda Spazieren, oda a spaunendes Rätsl. Daun denkt a sie fia unterwegs vielleicht nu a poa Frågn oder Zwischenstationen aus und versteckt am Schluß irgend a Dosal ois Schåtz. Des miasn daun die Kätscha mit Intanet, Schi-Pi-Es und wås ma vielleicht sonst nu so an Grafflwer braucht daun aufschnuppan, verstehst?"
"Jå åba, du kätscht jå a im Somma, wia soi denn des geh ohne de Schi?"
"Ka Problem, es geht Oma. Ohne Schnee find ma de Dosal eh leichter!" 
"A Bua, kenn mi scho aus. Sowås haum ma fria a scho bei de Pfådfinda gspüd. Kumm a moi mit då, I glaub i håb då nu a poa Fotos vo daumois in mein Fotoalbum drin."
"Wås? Echt Anna-Oma, zag her, jetzt wiads spaunnend!" 
"Då schau PPeda, de 10 Fotos håt uns damois unsa Leita in d'Haund druckt, zsaummen mit dem Wisch do unterhoib.
Kaun mi no guat erinnern, a supa Rundn - wirklich fesches Panorama auf die Schneegüpfe ins Berglaund, vü bliaade Bam neman Weg. Oba de Kortnleserei håt uns so ghunzt, oda hauma uns verrechnet oda woa goa da Kompass net gscheid aufzogn? 
Jedenfois haum ma den Schåtz dåmaois oafoch net findn kinna, zefix nuamoi! Ma - ob der heid vielleicht goa nu duart versteckt is?"
"Wås steht då am Wisch?
A = häufigster Bauchstabe (links unterhalb des Bildes)
B = 1. Buchstabe
C = Was ist hinter Person? Berg (12), Brücke (16), Hirsch (20), Menschen (24)
D = Anzahl Bäume (da sie inzwischen gefällt wurden: D=10)
E = Sprossen
F = Quersumme aller größeren Ziffern
G = auf Nachname reimt sich Wetterbegriff --> davon 1. Buchstabe
Nord = 48 Grad, 04 Komma [A + B - C + D - E + F - G - 1] [acht] Minuten
Ost = 14 Grad, 11 Komma 500 Minuten PLUS (A + B - G) * (C + D + 3*E - F) + 18
Pfådfinda aufpassn! Tats jå NICHT an GEFÄHRLICH steilen Stellen suchen, trotzdem Terrainwertung beachten!
"Oma, derf i ma de Fotos mitnehma? I glaub, i kenn do a poa, die des Rätsal knackn kinntn. Und wer woas obs dortn net tatsächli nu wås zum Findn gibt... I werd da daun näxts Moi erzöhn, wås die Leit dabei so erlebt haum, pfiad di...
