O Cañón do Sil é unha das maravillas de Ourense. Un fermoso
cañón natural formado polo río Sil que transcorre encaixonado (e na
actualidade frenado) por varios encoros hidráulicos.
Pola marxe dereita corre a vía do tren e pola esquerda unha
estrada que é a que nos leva ata o lugar.
Unha vez cheguemos á zona observaremos que nas paredes (cortadas
para facela estrada) hai unha serie de pezas metálicas. O motivo é
que se trata dunha escola de escalada mantida pola xente do Club
Alpino Ourensán. Esas pezas son as que se utilizan para irse
asegurando namentras se fai escalada deportiva.
O caché está ubicado detrás dunhas curiosas construccións que
probablemente serviran para albergar algún tipo de sistema de
iluminación durante a construcción desta estrada e dende as que se
domina a zona.
Información importante:
Podedes chegar dende Ourense, saíndo dirección Monforte e
collendo o desvío nos Peares, antes de cruzala ponte dos Peares
colledes hacia a dereita un desvío que está indicado como CATAMARÁN
e tamén ESCOLA DE ESCALADA
Hai lugar para deixalo coche perto do caché pero según vaiades
chegando tede coidado nas curvas xa que é bastante común que haxa
xente escalando nas paredes e o compañeiro que asegura está no
chan. Circulade despacio e intentade non atropellar a ninguén.
Nas inmediacións hai dous sitios para coller auga fresca. Un
está do outro lado da estrada ó Oeste do caché. O outro máis
adiante, despois dunha mole de granito que se ve á esquerda da
estrada. Deixádevos guiar polo ouvido.
O acceso é simple incluso para rapaces e, unha vez no alto o
sitio é bastante seguro se prestades atención. A menos que sexades
moi despistados é moi difícil que cheguedes a ter risco de caer
pero, por favor, camiñade con precaución. Veredes que incluso nunha
parte do percorrido hai escaleiras, ¿que máis se pode pedir...?
Contido:
1 bolsa hermética contendo 2 lápices, a stash note en inglés e
castelán, 2 lápices, varias tiritas (por se acaso), un caderno de
notas para rexistralas visitas e os comentarios.
1 bolsa hermética contendo varios bogallos de cristal e a bolsa
anterior.