Austrokoffer obseids vaum Middlpunggt vaum Universum
Des is a Rätselcäsch, und des schwaaste aun dem Rätsel is de Erklärung. Des liegd darau, dass dea Cäsh vom östarreichischn Paundaunt zum Götheinistut gschdiffd wuan is, da Helmut-Qualtinger-Auschdoid. I waas ned wos fia a Auschdoid des is, vileichd a Drinkaheuauschdoid. De haum auf olle Fälle a Projeggt und des haasd WWW. Und des hasd ned Wörldweidweb sundan Weanarisch Wiad Wödsproch. Wauns ia no Aufänga saads drugds do drauf.
und draads de Laudsprecha auf – nua Schoitln schoitn was ei, und speads de Uawaschln auf, vialleichd vasteeds mi daun bessa.
Da Austrokoffa is ned im Middelpunggt vaum Universum vasteggd, sondan a bissl danem. Da Middelpungt vaum Universum is naadialich in Wean im Broda, und genau im dutign Planetarium. Da Cäsh liegt 4 grad und 38,6588 Minutn westlich und 23.311 minudn südlich vom Geografischen Nuipunggt vom Östarreich-Ungarischem Imperium., wea waas scho woo Grienidsch is? Und wem intaresiads?
Des is a Cäsh fia olle Östarreicha de wos in Minga und Umgebung hackeln, tschinaggeln und baraban dan oda oba a tachinian und owezaan, und dabei ob und zua Haamwee kriagn. Oba aa fia Deidsche, heid sogn ma ned Piefke, de wos woos von unsara Sproch und Hochkuitua leana wön.
Und drum deaf ma do nua was ausdauschn wos mid unsara Hochkuidua zdoa hod.
Do foid eich nix ei? Des kenz Eich goa ned vuastöön wos do ollas gibd: Biadeggln, Waundaozeichn., Gaamsboad. Jo und soga singa daan ma ob und zua und neeman des daun aa no auf CDs auf und Füüme auf DVD.
De DVDs und CDs san damids jo ned noos wean noamoi in ana Tuppaweadosn. De Hün passn do ned eine. Nemds afach de Covers aus da Plastikschochtl und wiggelds de CDs und DVD drin eine, und tauschds den Cover in da eigen Schochtl aus. De klaan Saggaln mit Gel san aa zum Droggnhoidn lossds as bidsche drinan.
Maunche von uns kennan soga schreim, und schreim vua lauta Faadigkeit Doschnbiachln. Aundare wia da Hundatwossa san bekaunde Kalendamola. Wauns den Kalenda vom vurigen Joa los wean wöds bringdsnan afoch dohea. Nur goa gross deaf a ned sei sunsd basst a ned eine in de Kistn. Daun entsuagds hoid de unnedichen Aunsichdskoadn von windschiefe Gemeindebaudn und Autobaunrosdschdädn was eich imma de gaunze Mischbochn ausn Urlaub schiggt
Da Cäsch is mid aan Vuahaungschloss gsichad mid drei Numman ABC
- A wüvüü Seidln passn in aa Mos
- B wüüvüü Egn hod a Kraas
- C wüüfüü viadln gengan sie von ana Botöön aus
Wauns noch 3 Seidln und drei Viadln no dazua im Staund saad, und no need im Krass rends auf da Suach noch de Egn, kennz aam Schluss a no aum Tuam auffe kreun.
Den Schlissl dafia kriagds gegan einsods vo 20 Euro beim Wirtn bei da eastn Schdazion, de kriagds obe wida zrug. Dea Wiat hod im Summa vo Donnasdog bis Sunndag bis umma sibane aufd Nocht offn. Fia de Auflesung brauchds oba ned in Duam eine, is oba trotzdem schee.
Do kennz daun aan Blick weafn und genisn ins Laund vom Mozaad und vum Schdrauss, dem Thomas Bernhard und da Litaraturnoböpreisträgarin Jellinegg. Oba pasds auf des is a des Laund vum Qualtinga vom Kottan, von Drahdiwaberl und von mia und am olla schlimmstn von Freddie!/p>
Östarreichische Hochkuitua im Intanet
Ia kennz Eich oba a umdraan und ins Laund vom Goethe vom Schülla und in Beethoven schaun. Oba passds auf des is a es Laund vom Karl Valentin, im Ekel Alfred und in Lindenbergh und im Bohlen.
Deidsche Hochkuitua
In jeda Hisichd grenzibaschreitende Hochkuitua
Untahoids eich guad und dringds aane auf mi.
da Harry aus Wean