Monforte medieval
Geocaching nunha viaxe á Idade Media
Un convite para achegarse a Monforte de Lemos, unha cidade que conserva un notable patrimonio medieval e que cada ano viaxa no tempo durante dous días, tornándose aínda máis fermosa. Ademais de ser capital da comarca de Terra de Lemos e da Ribeira Sacra, Monforte é un núcleo urbano acolledor e fácilmente abarcable nun paseo a pé.
Na época medieval, Monforte era un singular exemplo de cidade-fortaleza, construída ao redor dun mosteiro (hoxe Parador de Turismo) e un Castelo cunha muralla salpicada de torres defensivas, da que aínda se conservan importantes tramos.
A localización é a seguinte:
Miradoiro do Parador de Monforte de Lemos
Praza Luis de Góngora y Argote
O evento está convocado no punto de maior altitude da cidade, o Monte de San Vicente. Podemos conversar sobre as nosas anécdotas co Geocaching, intercambiar rastreables e Woodcoins... Tras finalizar o evento, existe a posibilidade de tomar un café no Parador ou pasear pola Feira Medieval. Non é necesario realizar ningunha compra para participar no evento, e toda persoa que queira participar será benvida.