CITO no Río Sarela:
Flora invasora
"Cache In Trash Out" é unha iniciativa medioambiental na que un grupo de persoas se reúne para realizar limpezas de residuos ou outro tipo de accións voluntarias que teñen como obxectivo a preservación ou restauración do noso entorno natural. Esta edición céntrase na eliminación dunha especie de flora invasora, a herbácea Tradescantia fluminensis (orella de gato).
O paseo fluvial do Río Sarela é un dos tesouros de Compostela. Situado a poucos minutos do corazón da cidade pero permitindo o contacto directo coa natureza, trátase dun recorrido con amplas sombras para os días de calor abafante. Abunda a vexetación típica das ribeiras galegas: ameneiros, bidueiros, salgueiros, etc. Ademais de ter interese patrimonial xa que percorre antigos muíños, fábricas de curtidos, etc.
Click para evento cooldown
Unha vez rematado o CITO, celebraráse un evento cooldown nunha cafetaría próxima, o Café Tertulia.
Todos os participantes están invitados a asistir e recuperar forzas.
Información sobre o evento CITO
- Data: 5 de maio de 2024
- Horario: 17:00h a 18:00h
- Lugar: Paseo fluvial do Río Sarela no seu tramo do Carme de Abaixo
- Obxectivo: Eliminación de Tradescantia fluminensis + Recollida de residuos
Vémonos nas coordenadas para comenzar cunha pequena introdución sobre a natureza desta invasora, o seu grave impacto ecolóxico e como realizar a súa extracción mecánica, que é sinxela e non precisa de ningún tipo de ferramenta. A continuación, identificaremos as zonas afectadas e repartiremos o traballo co obxectivo de retirar a maior cantidade posible de Tradescantia, así como os residuos que atopemos. Estarei encantada de contar contigo!
Tradescantia fluminensis é unha especie nativa de América do Sur que forma tapices uniformes. Na súa invasión, despraza á vexetación nativa e inhibe a súa rexeneración, ademais de non ter inimigos naturais. Máis información sobre esta especie:
Ficha da Consellería de Medio Ambiente
Ficha descriptiva no Catálogo Español de Especies Exóticas Invasoras
Vestimenta necesaria:
- Roupa deportiva
- Calzado cómodo
- Luvas ou guantes de traballo (haberá luvas de usar e tirar)
- Botas de auga (opcional)