Krohnegården friluftsområde
Krohnegården friluftsområde omfattar eit fint opparbeida område ved Litlavatnet og Storavatnet - som utgjer Løvstakkvatna. Friluftsområdet utgjer 5 dekar.
Friluftsområdet er eit fint opparbeida badeområde med sandstrand, oppholdsareal og badeflåte i Storavatnet. Gangveg frå parkeringsplass og fram til området.Området er lagt til rette for bevegelseshemma med baderampe. Skogsområdet rundt Storavatnet er mykje brukt som turområde med fleire stiar og svaberg ned til vatnet. Det er kun nokre få parkeringsplassar i tilknytning til området, og tre av desse er reservert for handikappa. Andre parkeringsmuligheter er ved barnehage eller butikk i nærområdet.
Løvstakkvatna
Storavatnet , Store Løvstakkvatn, på vestsida av Løvstakken innerst i Fyllingsdalen; utgjer saman med Litlavatnet og Svartatjørnet det som vert kalla Løvstakkvatna. Størrelsen er 0,17 km^2 og dei ligg 146 m.o.h.
Vatna har vore del av vassverk for Laksevåg, og sikkert også Fyllingsdalen. Dammen på andre sida av vatnet vart heva til 5 meters høgde i 1937 som del av vassverket for Laksevåg. Vatna har utløp mot Fyllingsdalen og er del av Sælenvassdraget.