Us dr ganze Schwiiz reise jede Tag huufe Pändler u Pändlerinne i üsi wunderschöni Houptschtadt Bärn… O mir zwöi (fasch jedä Tag)…
Drum mache mer doch einisch e churze Ivänt für aui Pändler u Bärner Fründe!
Träffpunkt isch unger äm Baudachin am zwänzg ab füfi! Dä churz Ivänt duured e Haubstung u i dere Zyt chöi aui wo wei uf e 6i-Zug spaziere, langsam pressiere oder jufle! Frei nach em Motto: „ume nid gsprängt, aber geng hü!“
Es fröit üs angeri pändelndi Käscher u Bärner Käscher z’träffe!
JeyJeyBee nimmt nach em Ivent dr Zug uf Basu u ds Sternli nimmt dr Zug uf Züri. We dir o weit, schriibed doch i Log ine mit welem Zuug dir wyterfahred, (das darf i jedem Dialekt sii oder o uf hoochdütsch…). Villicht hets no angeri pändelndi Käscher i dim Zug, dr S-Bahn, em Böss oder im Tram? De geiht dä Ivänt villicht no chli länger uf äm Heiwäg… :-)
Mer freue n üs we dir chömet! Bis gli
Gruess vom Sternli (18:02 richtig Züri) u vom JeyJeyBee (18:04 richtig Basu)
Herzlichen Dank an die Heimlifeisse für die Übersetzung und textliche Beratung!
English:
Nevertheless you don’t speak Bernese dialect, you are welcome to attend to this event! The event endures from 17:20 to 17:50 h. Please write in your „will attend“ log with which train you are going to travel after the event, if you want to travel with other GeoCachers.
Hochdeutsch:
Der Event dauert von 17:20 bis 17:50 Uhr