Ig weiss no guet, wemer aus Giele uf em Fäud hei Drache la stige, uf em Fäud het öpper uf komische Draht-Roue grüens Höi tröchnet, ar Schnuer vom Drache nah heimer Papirfötzeli, wonem dr Wind het Uftrib gäh, la stige. Tscharnerguet, Tschaaaaahhhrnerguet, du bisch es. Tschaaaaahhhrnerguet, du bisch es. Tschaaaaahhhrnerguet, jetz darfsch mau. Ig bi achtjährig gsi wo sie profilet hei. Mir si haut nächhär ufenes anders Fäud ga Drache la stige, mir Flegle. Mi Vater isch geschtorbe, ir Schuel hei si Röslein verzeut. Ig ha afe lehre Klavier spile, d Muetter het ä Fernseh kouft. Wüu mr dr Vater geschtorbe isch. U ds Tscharnerguet het Ufrichtifescht gha. Äs het Schüblig gäh. Äs het Schüblig gäh. D Muetter het dr Scheidegger lehre kenne, pro Huus hets zwe Lifte gha. D Hochhüser si haut grau, Beton isch grau. Dr Vater het mr gfäut. Tschaaaaahhhrnerguet, du bisch es. Tschaaaaahhhrnerguet, du bisch es, ja. Jetzt darfsch mau, Tscharnerguet. Nei.
Chlöisu Friedli: Wohäre Geisch? Fata Morgana CD.
Achtung: Der Link führt zu einem Video, der zum finden des Geocaches nicht benötigt wird. Als Cachebesitzer versichern wir dir, dass dieser Link ungefährlich ist. Der Link wurde nicht von Groundspeak oder einen Geocache Reviewer auf schädlichen Inhalt überprüft und er wird auf eigene Gefahr geöffnet.