SKA - Aufnahmeprüfung Teil IV: Sauspui Mystery Cache
Hidden : 11/23/2014
Difficulty:
4 out of 5
Terrain:
2 out of 5

Size: Size: micro (micro)

Join now to view geocache location details. It's free!

Watch

How Geocaching Works
Looking for a different adventure?

Please note Use of geocaching.com services is subject to the terms and conditions in our disclaimer.

Geocache Description:

Griaß eich in da Schofkopfer-Akademie (SKA)!


Mia san a recht guade Akademie für olle Schopfkopfer, de gern no wos learna woilln. Bei uns gibt’s a wos Guadas wia an Schweinsbron und a süffig’s Bier dazua, auf Neideitsch hoaßt ma’s „Wellness“. Vui Leid san bei uns, weil si’ sich dahoam am Stammdisch beim Schofkopfa recht bled o’gstellt ham. Oft saufan’s a no zvui und rachan wia a Kamin und kennan nimma g'scheid aufbassn. Dann spuin’s an sochan Schmarrn zamm, dass’d moanst, sie ham no nia a Kartn o’glangt. Des macht nachad de andern in da Rundn narrisch und scho is’ wieda a recht’s Gschroa in da Wirtsstubn. Aba vui dengan dabei scho an d’Schofkopf-Akademie und wolln solche Leid zu uns noch Zdummzumbrunznbrunn schicka.


Falls si' ebba frogt, wos für Kurse bei uns g’macht wern kenna, hob i eich unsere scheenstn amoi aufg’schriem:

- Vier Lafadde und scho wieda verlorn?? – Wia blead konn oana sei??
- D’Hand voll Drümpf aba d’Hosn voi?? - Do muasst spuin!!
- Wos host’n do gmacht?!! – So an Schmarrn spuit ma ned o!
- Wia a Spitzbua mid Nix in da Hand a' no gwinnt – A bissl wos geht imma!!
- Mia san ned beim Wattn! – Wos ma beim Schofkopf ned doa derf.
- Und da Brunzkartler hoid a sei Mei!!




Des oane sog i dir aba glei: Wenn’sd s’Schofkopfa no gor ned konnst, bist bei uns verkehrt. Dafür hamma koa Zeit – a bissl a Ahnung muassd scho’ hom! Desweng lass ma’ a blos Leid rei’ de a Prüfung g’macht ham. Mia ham sovui Kundschaft, dass ma scho a bissl aussordiern miassn.



Oiso deart's olle g'scheid aufbassn!! - Weil jezad kimmt da vierte Teil von da Prüfung
Aufnahmeprüfung IV: Sauspui


Es hockan imma no de gleichn Leid boim Kartln beinand und rian deans sa sie nur, wenn's a's Bierglasl aufhem oda a Kart'n ausspuin miassn. Da Hans hod gem und oana hod gsagt (i woas nimma, wer), da Hans sollt sie moi bessa d'Händ g'scheid waschn. Wia na g'fragt worn is, ob ebba a Spui hod, is vom Max a Sauspui o'gsogt worn. Weil sonst a neamd wos g'habt hod, hod nachad da Max, er dad gern mid da Oidn auf's Woidfest geh'.


Kartn san im o'gsogt'n Spui dann so ausgspuit worn, wia i eich des do her gschriem hob':


Erste Rund'n: Schelln-Kini, von de Buam da Herzige, Kuglbauertheres, da Erdbeer-Schorsch
Zwoate Rund'n: Oache-Schwellnhupfa, Herz-Luschn, Oache-Spotz, d'Oide
Dritte Rund'n: Förster-Christl, Gros-Luschn, Herz-Nichtser, Gros-Spotz
Vierte Rund'n: Schinder-Hansl, Herz-Schwellnhupfa, Flying Hermann, Oache-Wenz
Fünfte Rund'n: Herz-Luschn, Maxl, Schelln-Nichtser, da Schiache
Sechste Rund'n: Gros-Spotz, Gros-Wenz, Gros-Kini, Gros-Schwellnhupfa
Siebte Rund'n: Oache-Kini, s'Pfund, Schelln-Schwellnhupfa, Spitz
Achte Rund'n: Belle, Schelln-Luschn, da Oide, Oache-Nichtser



Wia vui Aug'n ham' de wo gwonna ham g'stocha? = A
Und wia vui Aug'n ham' na de wo verlorn ham dawischt? = B
Wie vui Aug'n hod' da vierte Stich g'habt? = C
Wia vui Aug'n hod' da siebte Stich g'habt? = D


N 48° 5 A x D x 2 - B - C + 2
E011° 3 B x C - D x 2 - (D - C) + 5





In eigener Sach’:

Mei Schofkopf-Serie is’ frias wo anders gleng – do wo i dahoam bin, des is’ glei in da Nachad vo Oischaun * - desweng konn’s guad sei, dass oan irgendwie bekannt vorkummt. Weil i aber jez do her zong bin, hob’ i des ois a bissl g’ändert und nei ausglegt. I hoff’ ihr habt’s a rechte Gaudi!!


AUFBASSN:

Dass ma’ fei ja koana in da Nocht oder wenn’s grod duster werd im Woid umananda schliaft!! Des mog’ i ned! Sovui Jagastand wia’s do gibt, war des a Schmarrn!!
Olle Doserl san glei neba guade Weg vasteckt, de extra herg’richt san für’s Wandern und Radln! Ihr miasst’s wirkli nur a poor Meta danebn suacha!!
Bittschön olle Zaunkapperl, Voglhäusl und Jagastand in Ruah lassn!! Do is’ nix!!

Additional Hints (No hints available.)



Advertising with Us

Inventory

There are no Trackables in this cache.

View past Trackables

What are Trackable Items?