Bevuast oba des Punktal hamzahst, muast schon no a bissl wos tuan. Und zwoa a poa Frogn beauntwurtn. Wennst waast, wer i bin, host eh schon vü gwunna...., eh kloa ! Leida gibts ka Ibasetzung auf Piefkinesisch oda goa Englisch, nua Weanerisch!....eh kloa !
Erschtens... zum Woamwern: Mei Feanse-Serie is in wüfül Foign ausgstroit wuan ? De Aunzoi moi zwa und du host "A".
Zweitens... Mei Erfinda hot no a eafoigreiche Serie gschribn, de driba da Donau spült, do is imma so a deppate Strossnbaun ummanaundgfoan mit da Numma ?. Nimm a de moi zwa, he he, und scho kriagst "B".
Drittens... Da Franzi, des Nudlaug, hot no an aunderen Spitznaumen ghobt, in dem Wuat is a italienische Zoi enthoitn, und findst und ibasetzt de, jo daunn wasst "C".
Fiatns... Wüvü Kinofüm san iba mi in dem jetzign Joahundat draht wuan. Zö moi sche und du kennst "D".
Fünftns... Jetzt brauchst nur vom Famüliennaumen von demjenign, der wos in da Serie mein bestn Haberer spült, de Buchstabn zaumzön und du wiast "E" segn.
Sextns... wovon wockelt dir da Schädl 14 Tog ? Nimm den zweiten Buchstobn vom Hauptwuat und waundel eam in a Zoi um. Damit nimmst "F".
Simmtns... wia is de Hausnumma, wo I gwohnt hab? Diskutier' ned mit mia, sondern nimm' afoch de, wo des Frogezeichn hinzagt. Damit host jetzt a no "G" gfundn.
Ochtns...Waun is mei letzta Fülm ins Kino kumma? Nimmst des Joar, tuast de Nulla weg, daun bleibt da "H".
Neintens... In da wüvültn Foige hob i a so a Scheißhittn geerbt. Waunnst a passende Zoi findst und net irrst di, jo daun siagst "I".
Zehntens... Wüvüle Reschisseure hom aun meina Serie umanaundadoktert? Findst de, vadienst da a no "J".
Waunst jetzt net gaunz auf da Nudlsuppn dahergschwumman bist, schaust net laung deppat aus da Wäsch, sundan gehst und findst mein Kesch.
N A° B.CDE
E 0FG° H. I I J
Wos'd aussekriagt host kaunst auf Geotschecka.com ibaprifn, bevuast unnedig wo hinlatscht.
Weaschion 2.0: a neiche "Dosn" auf an neichn Platzl glei danebn. Es is jetzt ka Voglheisl mehr, wö des oide haums uns gfladert. Bitte gehts nua bei an schlechtan Wetta hi, wäul sunsta is duat ois volla Mugln.
---