Weißwurstäquator Mystery Cache

ACHTUNG! Da dies ein Mystery ist, liegt der Cache nicht an den obengenannten, fiktiven Koordinaten!

Ja, der ein oder andere mag sich über diesen Cache wundern oder das Rätsel dreisterweise sogar als „sinnfrei“ bezeichnen – aber die eine Hälfte unseres Teams (ich, Sandra) stammt aus Bayern.

Und deswegn: glei noamoi so wia se des ghert! A boar vo eich frong se wahrscheinlich wos der Käsch soll oder dadn sogar song, dass des Rätsel a Schmarrn wär! Oba de oane Heiftn (i, d’ Sandra), kimmt hold aus Bayern und deswegn gehts jetz a af Bayrisch weida:

Mia bluat jedsmol as Herz wenn i sig, wos da in der Gegend (oder überhaupt: af der andern’ Seitn vom „Weißwurstäquator“) so ois mit dene arma, unschuldign Wirschtl triem werd…

Leider kon i eich eitz koa Buidl von a gscheitn Weißwurschplattn zoang, weil ihr sollts ja selba rausfinna, wia des funktioniert… Oba wennz de Frogn, de eitz kemma, richtig beantwortn deatz, seitz nachad Spezialistn im Weißwurschtessen und kenntz sicha sei, dass ihr in Bayern mit offene Arm’ aufgnumma werds! (und a bissl Bayerisch trainiern miassats vielleicht a no…)

Kloane Weißwurschtkunde (imma bloß oa richtige Antwort)

A) Wia macht ma de Wiaschtl richtig?

• ma lassts Wasser kocha (=5)

• ma machts Wasser hoaß, kochts oba ned (=6)

• ma brot de Wiaschtl in da Pfann’ o (=3)

B) Wos isst ma dazua zu de Wiaschtl?

• an scharfa Senf (=1)

• an siaßn Senf (=0)

• des roude Zeig (a Ketchup genannt) (=9)

C) Wos gibt’s traditionell no dazua?

• a gscheite Brezn (=2)

• Semmeln (=4)

• a Stickl Brot (=7) 

D) Und dazua trinkt ma?

• a Weiße (=1)

• a Pils (=3)

• alkoholfreies Bier (dafür hamma in Bayern koa Wort ) (=8)

E) Wia isst ma Weißwiaschtl in Bayern richtig?

• de Haut zerscht obaziagn und na de Wiaschtl herschneidn (=5)

• vorsichtig neibeißen und auszuzln (=4)

• ma isst de Haut mit (=7)

F) Um wos fir a Uhrzeit isst ma normalerweis Weißwiaschtl?

• in da Friah (wenn ma am Dog vorher zvul gsuffa hot, weils so guat fian verrenktn Mong is) (=6)

• vormiddog bis ollerspädesdns bis um Zweife (vo damols, wos no koane Kühlschränk gehm hod, weil de Wiaschtl sunst bis um Zweife nimma guat gwesen waradn) (=0)

• af Nacht (weil se de Landwirt’ afnacht beim Wirt treffan und nachad a gscheide, zünftige Brotzeit ham mechatn) (=9)

Wennz eitza olle Frong richtig beantwortn hobts kenna, kenntz eich eitz den Käsch holn
Und als Schmankerl konn i bloß empfehln, dass eich glei no a boar Weißwiaschtl holts – weil eitz wissts ja wias richtig geht! Lassts eich schmecka!

Finna kennts den Cache bei N50° 23. (ABC) E007° 59. (DEF).

Wia imma kennts vorher schaun, obs ois richtig gmacht habts: Geochecker.com
(An den oben angegebenen Koordinaten könnt ihr – wenn ihr wollt – parken. Die Koordinaten für den Final sind nicht auf den Meter genau, das sollte euch aber vor Ort keine Schwierigkeiten bereiten.)

Vui Spaß wünscht eich

Team HaiSa2009

PS: - Aufgrund der üblicherweise am Weißwurstäquator auftretenden Sprachbarriere liegt die Difficulty fürs Lösen bei 2,5.
- Wal me de Preißen owl net vastenga und’s desweng a bissl schwarer werd, hobe eitz amal Difficutly 2,5 ogsetzt.

Und geloggt wird bitte in Bayrisch - so wia se des ghert!!